Det er enno mykje me menneske ikkje veit om universet i den tidlege perioden då dei første stjernene vart danna, og universet byrja å få dei første galaksane. Forskarane veit mykje om det aller tidlegaste universet fordi dei kan få informasjon frå den kosmiske bakgrunnsstrålinga, som på mange måtar gir oss eit slags barnebilete av universet. Etter dette er det ein periode der mykje er meir usikkert.
Det er denne perioden forskarane no vil kartleggja.
Kosmologi forskingsgruppa ved Institutt for teoretisk astrofysikk er ein del av «CO Mapping Array Project» (COMAP), eit internasjonalt samarbeid innanfor eit nytt forskingsfelt som kartlegg universet med kosmiske spektrallinjer. Håvard Tveit Ihle på Institutt for teoretisk astrofysikk i Oslo er leiar av COMAP-kollaborasjonen, og assisterande direktør ved Owens Valley Radio Observatory som eig teleskopet som samlar inn dataa.
Sjølve radioteleskopet er ifølgje Ihle heilt ordinært. Det er måten dei bruker det påmonterte optiske instrumentet på som er unikt. Det måler frekvensen til strålinga veldig nøyaktig. På lang sikt skal forskarane laga eit tredimensjonalt klart over universet eitt til fire milliardar år etter Big Bang.
Les heile artikkelen på Titan.uio.no
Lære meir om:
COMAP - Forskingsprosjekt ved ITA
Les flere populærvitenskapelig artikler:
Kartlegging av stjernedannelse tidlig i universet