Det var prodekan for studier ved MN-fakultetet og professor i farmasi Solveig Kristensen som fekk gleda av opna det nye læringsmiljøsenteret. I sin tale framheva ho at læringsmiljøsenter er viktige for studentane.
Med det nyopna læringsmiljøsenteret får studentane i geofag, farmasi og musikkvitskap eller andre ein etterlengta stad som dei kan bruka i sin studiekvardag.
Frå kantine til læringsmiljøsenter
I lokala var det før ei kantine drive av SIO, men har stått tomt etter at denne vart nedlagt for nokre år sidan. No i dag er lokala med sine store vindauger vorte eit ljost og fint læringsmiljøsenter. Studentane kan gleda seg over utsyn mot det fine grøntområdet bak ZEB-bygget.
Læringsmiljøsenteret kan brukast av studentar i geofag, farmasi og musikkvitenskap og andre til kollokvier, møter, lesing eller til å møtast mellom forelesingane.
Det nye senteret har i alt 5 kollokvierom, 49 'stille' lesesalsplassar, mange bokskap, ein enkel kjøkkenkrok og fleire fine sofagrupper.
I tillegg til fasilitetene som læringsmiljøsenter får Geofaglig fagutvalg og GÆA NORVEGICA ved Institutt for geofag disponere eit felles kontor i tilknytning til senteret.