Disputas: Mariann Hauge

Prøveforelesning

Bedømmelseskomité

Professor George C. Polyzos, Department of Computer Science, Athens University of Economics and Business
Professor II Kjersti Moldeklev, Institutt for telematikk, NTNU
Professorstipendiat Josef Noll, Unik, Kjeller

Leder av disputas:  Dag Langmyhr

Veileder:  Øivind Kure, Pål Spilling, Knut Øvsthus og Paal Engelstad

Sammendrag

Mariann Hauge har forska på metodar og teknologiar som kan gje billige breibandstenester med stor dekningsgrad på mobiltelefonen. Fokuset har vore på situasjonar der video eller multimedia skal sendast til ei stor gruppe brukarar i tilnærma sanntid. Eksempel på ei slik teneste kan vera overføring av fjernsynsbilete under eit VM på ski; mange tilskodarar som står ute i løypene har lyst til å følgja med på kva som skjer i resten av løypetraseen. Arrangørane av rennet kan då tilby ei teneste der tilskodarane får fjernsynsbileta som vert vist på storskjerm på stadion sendt direkte til mobiltelefonen.

Avhandlinga til Hauge visar blant anna at ei god distribusjonsløysing for slike tenester er å kombinere UMTS nett (også kjent som 3G) med eit trålaust mobilt ad hoc nett. Eit mobilt ad hoc nett er utan infrastruktur og vert oppretta på sparket ved at mobiltelefonar innanfor eit visst område sender litt signaleringstrafikk seg i mellom. I ad hoc nettet er det ikkje basestasjonar, men nettet bruker andre mobiltelefonar til å vidaresende trafikk som skal til mottakarar utanfor radiorekkevidde til avsendaren.
Ved å kombinere UMTS og ad hoc nett så vil UMTS kunne nytte ad hoc netta til å distribuere nokre av dei resurskrevjande breibandstenestene. UMTS vil også bestemme når og kvar eit ad hoc nett skal etablerast og dermed ha litt kontroll over ad hoc netta. Dette er ein vinn-vinn situasjon for desse to teknologiane.

Resultata som er publisert i avhandlinga er basert på omfattande simuleringar av ein forenkla nettverksmodell for dette systemet. Arbeidet er utført ved Universitetsstudiene på Kjeller i tilknyting til Institutt for Informatikk, Universitet i Oslo. Forskinga er støtta av Ericsson AS og Norges Forskningsråd.

Kontaktperson

For mer informasjon, kontakt Narve Trædal.