Universitetet i Oslo gjer det godt på den nye Shanghai-evalueringa, og fleire fagområde ved universitetet scorar høgt på rangeringa, som vart tilkjennegjort i slutten av oktober.
Gode plasseringar for geofag (Earth Science) og naturgeografi
Institutt for geofag ved UiO gjer det meget bra i rangeringa for fagområdet geofag, som i rangeringa ligg under Earth Sciences. Fagområdet havnar her på 46.-plass i verda, og ligg på topp viss ein ser fagområdet i samanlikning med norske høgare utdanningsinstitusjonar.
Også andre fagområder gjer det godt ved Institutt for geofag. I naturgeografi, plasserer Noregs eldste universitet seg mellom nummer 51 og 75 i verda. Fagområdet er på topp i rangeringa om ein kun ser på høgare utdanningsinstitusjonar i Norge.
Les meir om andre rangeringar ved UiO i denne artikkelen på Uniforum.
Sjå heile rangeringa av fagområder på nettstaden Shanghai Ranking's Global Ranking of Subjects 2023.
Universitetsrangeringar
Akademiske rangeringar er opprinneleg meint som ein guide til studentar som ynskjer å enkelt få tilgang til sammanliknbare data om kvalitet ved høgare lærestadar og innan akademiske institusjonar. Kjente tilbydarar av slike internasjonale rangeringar er Shanghai-evalueringa og Times Higher Education for å nevna nokre.
I sistnevnde rangering,Times Higher Education havnar UiO mellom 126-150-plass, og ligg øvst i Norge. Også i Shanghai-evalueringa er Norges eldste universitet plassert på topp i rangeringa samanlikna med andre norsk universitet, og havnar på ein fin 73 plass sett på evalueringa for Academic Ranking of World Universities.
Om Shanghai-evalueringa
Shanghai-evalueringa er ei omfattende og objektiv rangering av universitet og fagområder over heile verda. Rangeringa av fag – The Global Ranking of Academic Subjects (GRAS) dekker heile 55 akademiske fag på tvers av naturvitenskap, ingeniørvitenskap, biovitenskap, medisinsk vitenskap og samfunnsvitenskap. Fleire enn 1900 av 5000 universitet i 104 land og regioner er med i rangeringa. Rangeringa er også for universitet, den såkalla The Academic Ranking of World Universities (ARWU). I siste evaluering er 1000 universitet innbefatta i evalueringa, ifølgje nettstaden til rangeringa.
Meir informasjon om rangeringa og metodikken som vert brukt, samt søkbar statistikk over fleire år bakover finnes på nettstaden shanghairanking.com.