Årets Geofaredag gjekk av stabelen 19.-20. oktober. Geofaredagen er ein viktig arena og møteplass for alle som arbeider med geofare i Norge. Her møtes dagens og fremtidas geofareforskarar, dei som underviser i geofare og andre som jobbar med geofare. Tematisk dekker konferansen ”geofarar” breidt, frå ekstremvær til jordskjelv, vulkanutbrot, flaum, skred og tsunamiar og andre prosessar som kan utgjera ein risiko.
Dagen vert arrangert som ein todagers nasjonal konferanse. Den fyrste dagen er ein fagdag med inviterte foredrag, korte muntlege presentasjonar og posterpresentasjonar. Den andre dagen er via ekskursjonar for å sjå skader etter geofarehendingar ute i naturen slik som ras/flom.
I målgruppa for konferansen er studentar som arbeider med geofare-problemstillingar i sin bachelor-, master- og doktorgrad, men også dei som nyleg har avslutta studiet – dette er neste generasjons forskarar innan geofareproblemstillingar.
Ny deltakarrekord frå GEO:UiO
UiO var godt representert på geofaredagen! Studentar frå eit heilt emne - GEO3034/4034 – Geofarer/Geohazards deltok på konferansen i Sogndal. Dette er eit emne som går kvar haust ved Institutt for geofag, og som kan tas av både bachelor- og masterstudentar som tek geofag.
Fleire av dei som presenterte på posterprogrammet var studentar på emnet som nemnt ovanfor. I tillegg presenterte fleire masterstudentar sine prosjekter. I alt var det sju studentprosjekter frå UiO med posterpresentasjonar på årets program.
Alternerer om å arrangera
Geofaredagen er ein nasjonal konferanse som fleire høgare studiestadar samarbeider om å arrangera. Arrangøransvaret alternerer på dei samarbeidande institusjonane. I 2022 var konferansen i Trondheim arrangert av NTNU, året før var den i Tromsø arrangert av UiT Norges arktiske universitet, og i år var det Instituttet for miljø- og naturvitskap, HVL som var arrangør.
Konferansen er ein møteplass der studentar i geofare kan møta fagfolk frå ulike sektorar, offentleg forvaltning og/eller private selskap. Det er også ein arena for studentar til å treffe andre som studerer geofare. Det er og ein arena der ein kan utveksla erfaringar, presentera forsking og utvikling, og diskutera fag. Konferansen er på norsk, men bidrag på engelsk vert også akseptert.
Sjå programmet for årets konferanse
Geofaredagen, 19.-20. oktober 2023, Campus Høgskulen på Vestlandet