Fleire ekspertar og forskingsinstitusjonar samarbeider i det regionale forskingsprosjektet «Klimarisiko i Jotunheimen». Bakgrunnen for prosjektet er den store auka i tal på redningsaksjonar i Jotunheimen, sett i ljos av at den evige kulden (permafrost) i høgfjellet tinar, som kan medføra fare for ras av is og stein. Tidlegare trygge stignett eller vegsystem kan dermed verta uttrygge, og det kan oppstå ulykker der det må inn redningsoperasjonar med helikopter og redningspersonale. Men kvar vert det utrygt?
I prosjektet «Klimarisiko i Jotunheimen», skal forskarane sjå på fjellredning i ei tid med klimaendringar. Ein av ekspertane som deltek er Bernd Etzelmüller, professor ved Institutt for geofag. Med seg har han to studentar som går på masterstudiet i geofag, ved Universitetet i Oslo. Dei to skriv masteroppgåva si som ledd i forskingsprosjektet.
Les meir i artikkelen:
Klimaendringane gjer fjellet farlegare, artikkel på nett frå NRK/Innlandet, 18.02.2024
Sjå også innslag på NRK/distriktsnyheiter: https://tv.nrk.no/serie/distriktsnyheter-oestnytt/202402/DKIN98021324/avspiller (innslaget starter etter 4.40 i sendinga)