Titan-prisen blir delt ut årleg til ein forskar som har gjort ein uvanleg og framifrå innsats med å fortelja om forskinga ved MN-fakultetet. I år gjekk Titan prisen til Dag O. Hessen, som er professor ved Institutt for biovitskap og leiar for Senter for biogeokjemi i antropocen (CBA).
– Prisvinnaren i år har utmerkt seg som ein stødig formidlar gjennom ei årrekkje, og det er vel rett å kalla han MN-fakultetets einaste «kjendis». Denne statusen har han oppnådd gjennom å vera ein særs aktiv og tydeleg stemme og formidlar rundt evolusjon, klima, økologi og betydninga av biologien for forståinga av mennesket, seier Bjørn Jamtveit som er forskingsdekan ved Det Matematisk-naturvitskaplege fakultetet ved Universitetet i Oslo.